Connect with us

राजकीय

राज ठाकरे उत्तर भारतीयांना जोडण्याऐवजी तोडण्याची भाषा करतायत | संजय निरुपम

Mahabatmi

Published

on

राज ठाकरे यांनी ज्या प्रकारे बिहार आणि उत्तर प्रदेशच्या नैतिकतेवर प्रश्न उपस्थित केला आहे.  त्या प्रश्नाला मी जाणून आहे, मी त्याचे समर्थन करतो. मात्र, मुंबईमधील कुठल्याही गरीबावर हल्ला करण्याचा अधिकार त्यांना नाही. उत्तर प्रदेश, बिहार, मध्यप्रदेश, छत्तीसगड, झारखंड या राज्यातील सरकारने काही केले नाही म्हणून त्यांना मारणे चुकीचे आहे. हे वाक्य त्यांनी मागे घ्यावे. भारतीय संविधानात असे नमूद आहे, की भारतीय नागरिकत्वानुसार कोणी कुठेही जाऊ शकतो आणि कुठेही राहू शकतो. महाराष्ट्रात राहत असेल, तर नक्की मराठी भाषेचा आदर केला पाहिजे. तेथील संस्कृतीचा, लोकांचा आदर केला पाहिजे. याचा अर्थ हे नाही, की दुसऱ्या भाषेचा अनादर करावा. मी त्या वाक्याचे समर्थन करतो, असेही निरुपम म्हणाले.
मुबंईमध्ये घडणाऱ्या गुन्ह्यांचे विश्लेषण करायची वेळ आली आहे. दुसऱ्या कोणत्या प्रांतामध्ये जाऊन पोलीस ठाण्यात जाऊन नोंदणी करावी, असा कोणताही कायदा नाही. हा कायदा चीनमध्ये आहे. अरुण गवळी, छोटा राजन, दाऊद हे उत्तर भारतातून आले नाही, असेही निरुपम यांनी नमूद केले. राज्याचे सहकारमंत्री सुभाष देशमुख यांच्या लोकमंगल संस्थेवर भ्रष्टाचाराचा आरोप झाला आहे. सुभाष देशमुख हे त्या संस्थेचे संस्थापक आहेत. त्यामुळे त्यांच्यावरही एफआयआर दाखल करावा. अशा बोगस संस्थेवर कारवाई करण्याऐवजी त्यांना परत कर्ज देण्यासाठी कागदाची पूर्तता करण्यासाठी संधी देतात.
मुख्यमंत्री भ्रष्टाचाराला पाठिशी घालत आहेत. राज्य सरकार आपल्या मंत्र्यांच्या विरोधात कोणतीही कडक कारवाई करत नाही. उलट त्यांना पाठीशी घालत आहे, अशा मंत्र्यांना कॅबिनेटमध्ये ठेऊ नये, अशी मागणी निरुपम यांनी केली. अदानी पावर लिमिटेडने ऑगस्ट महिन्यात रिलायन्सची वीज कंपनी घेतली आहे. सप्टेंबरमध्ये मुंबईचे वीजबील वाढले.  मुख्यमंत्र्यांनी वाढलेल्या बीलाची चौकशी करण्याचे आदेश दिले आहेत, मात्र ही कारवाई धूळफेक आहे. सरकारने एमईआरसीला आदेश देऊन बील कमी करावे, अशाही मागणी निरुपम यांनी केली.
Advertisement

राजकीय

भाजप, सेनेत ’25-23’चे सूत्र

Mahabatmi

Published

on

लोकसभेसाठी भाजप-शिवसेना युती होणार की नाही, या चर्चेला पूर्णविराम मिळू शकतो. भाजपने लोकसभेच्या २५ व शिवसेनेने २३ जागा लढवाव्यात यावर उभय पक्षांत मतैक्य होण्याचे संकेत असून भाजपच्या कोअर ग्रुपमधील एका मंत्र्याने शंभर टक्के युती होणार असल्याचे संकेत दिले. मनसे राष्ट्रवादीच्या महाआघाडीत सामील होण्याची शक्यता लक्षात घेऊन भाजप नेत्यांवर तोंडसुख घेणाऱ्या शिवसेनेच्या भूमिकेत बदल होण्याचे संकेत आहेत. शिवसेना नेतृत्व या मन:स्थितीत असल्याचा दावा भाजपच्या एका ज्येष्ठ मंत्र्याने केला.

Continue Reading

राजकीय

शरद पवार यांनी माढा लोकसभा लढवावी : जयंत पाटील

Published

on

By

शरद पवार यांनी माढा लोकसभा लढवावी अशी मागणी पक्षातील ज्येष्ठ नेत्यांनी केल्याची माहिती राष्ट्रवादी काँग्रेसचे प्रदेशाध्यक्ष आमदार जयंत पाटील यांनी माध्यमांशी बोलताना दिली.

जागा वाटपाबाबत अजून चर्चा सुरू आहे. मित्रपक्ष एकत्र यावेत असे आम्हाला वाटत आहे. शिवाय राष्ट्रवादी काँग्रेसच्या ज्येष्ठ नेत्यांनी लोकसभा लढवावी, याबाबत चर्चा सुरु असल्याचेही पाटील यांनी सांगितले.

लोकसभेची वेगवेगळ्या मतदारसंघात आखणी करत आहोत. गुरूवारी शरद पवार हे मुंबईमध्ये ज्येष्ठ नेत्यांसोबत बैठक घेत आहेत. आघाडीच्या एकत्रितच जागा जाहीर केल्या जातील. वेगवेगळया जाहीर होणार नाहीत, असे पत्रकारांनी विचारलेल्या प्रश्नाला उत्तर देताना पाटील यांनी सांगितले.

आज देशात वातावरण बदललेले आहे. त्यामुळे शरद पवार यांनी लोकसभेत जावे असे सर्वांना वाटत आहे. शरद पवार हे सर्व पक्षांना एकत्र करून जातीनिशी लक्ष घालत आहेत. भाजप- शिवसेनेचा पराभव करण्याची ज्या पक्षांची इच्छा आहे त्या सर्व पक्षांना बरोबर घेतले जाईल. इतर पक्षाच्या नेत्यांशी चर्चा आता होणार नाही. भेटीगाठीचे पर्व संपले आहे. आता जागा वाटप यावरच चर्चा सुरु आहे असेही पाटील म्हणाले.

लोकसभा संपत आहे. त्यामुळे या बैठकीत लोकसभा मतदारसंघांचा आढावा घेतला जाईल. शिवाय लोकसभेचा प्रचार कसा करायचा यावर चर्चा होणार असल्याचे त्यांनी सांगितले.

Continue Reading

राजकीय

माढा लोकसभा मतदारसंघातून शरद पवार यांनी निवडणूक लढवावी, कार्यकर्त्यांनी केला आग्रह

Mahabatmi

Published

on

पुणे – मी माढ्यामधून निवडणूक लढवावी, अशी पक्षातील नेत्यांची मागणी आहे. पण मी त्यावर अजून निर्णय घेतलेला नाही. खरंतर माझी इच्छाही नाही. पण पक्षातील नेत्यांच्या मागणीवर मी विचार करेन, असे राष्ट्रवादी काँग्रेसचे अध्यक्ष शरद पवार यांनी शुक्रवारी पत्रकारांना सांगितले. राष्ट्रवादी काँग्रेसच्या निवडक नेत्यांची एक बैठक पुण्यातील बारामती हॉस्टेलमध्ये झाली. या बैठकीला प्रदेशाध्यक्ष जयंत पाटील, छगन भुजबळ, जितेंद्र आव्हाड यांच्यासह माढ्यातील सध्याचे खासदार विजयसिंह मोहिते-पाटील उपस्थित होते. या बैठकीत लोकसभेसाठी काही मतदारसंघातील उमेदवारीचा आढावा घेण्यात आला. त्यावेळी माढ्यातून शरद पवार यांनीच निवडणूक लढवावी, अशी मागणी पक्षातील नेत्यांकडून पुढे आली.

Continue Reading
Advertisement
Advertisement

Follow us on Facebook

Mahabatmi Calendar

February 2019
M T W T F S S
« Jan    
 123
45678910
11121314151617
18192021222324
25262728  

महत्वाच्या बातम्या

Copyright © 2017 Mahabatmi Digital Media (Opc) Private Limited.