Connect with us

क्राईम

फिल्मी स्टाईलने अपहरण झालेल्या मुलाचा लावला छडा

Mahabatmi

Published

on

गुन्हे अन्वेषन शाखेची दमदार कामगीरी सोळा तासांच्या आत आरोपीला केलं जेरबंद.

उल्हासनगर (गौतम वाघ)-उल्हासनगर मधील विठ्ठलवाडी पोलीस ठाण्यात काल संध्याकाळी तीन वर्षांच्या मुलाच्या अपहरणाचा गुन्हा दाखल झाला होता ,या गुन्ह्यात उल्हासनगर गुन्हे अन्वेषण विभागाने तपास करून आरोपीस सोळा तासात अटक करून मुलाला पालकांच्या ताब्यात दिले.

उल्हासनगरच्या सह्याद्री नगर मध्ये शारदा सिंग या राहतात ,गुरुवार संध्याकाळी त्यांचा मुलगा भावेश हा तीन वर्षांचा मुलगा खेळता खेळता कोणीतरी अज्ञात इसमाने उचलून घेऊन गेला,लागलीच शारदा यांनी विठ्ठलवाडी पोलीस ठाण्यात संध्याकाळी मुलाच्या अपहरणाचा गुन्हा दाखल करण्यात आला,यानंतर पोलिसांनी तपास सुरू केला,या तपासात उल्हासनगर गुन्हे अन्वेषण विभागाने उडी घेतली आणि मुलाच्या आई ची चौकशी सुरू केली,या दरम्यान अपहरण झालेल्या मुलाच्या मावशीला एका व्यक्तीचा फोन आला आणि तो फोन होता तो मावशी वर सुरत मध्ये एकतर्फी प्रेम करणाऱ्या सुरज सिंग चा, त्याने त्या मुलाच्या मावशीला कुर्ला येथे एकटी येण्यास सांगितलं.आणि जर नाही आल्या(भावेश) ह्याला ठार मारेल अशी धमकी दिली,लागलीच पोलिसांनी सूत्र हलवली आणि कुर्ला स्टेशन गाठले,तेवढ्यात आरोपीने मुलाच्या मावशीला विक्रोळी स्टेशन वर बोलावलं तेथून सुद्धा आरोपीने पळ काढत ,ठाणे स्टेशनच्या पाच नंबर फलाटावर त्या मुलाच्या मावशी ला भेटण्यास येण्यास सांगितले ,पोलिसांनी सापळा रचला आणि तो आरोपी ठाणे स्टेशन च्या पाच नंबर फलाटावर इंडिकेटर खाली उभा असल्याचे पाहून पोलिसांनी मुलाच्या मावशीला सूरज ला भेटण्यास पाठवले ,मुलाच्या मावशी ने सूरज ला भेटल्यावर मुलाला आपल्या ताब्यात घेऊन गळे लावलं तेवढ्यात पोलिसांनी आरोपी सूरज सिंग यास शिताफीने अटक केली व मुलाला पालकाच्या ताब्यात दिल.

Advertisement

क्राईम

मंत्रालयातील सहसचिव विजय पवारांनी पत्नीवर झाडल्या गोळ्या, नंतर केली आत्महत्या

Mahabatmi

Published

on

पंढरपूर- मंत्रालयीन सहसचिवाने आपल्या पत्नीवर गोळीबार करुन आत्महत्या केल्याची धक्कादायक घटना समोर आली आहे. मंत्रालयात सहसचिव पदावर कार्यरत असलेल्या विजय पवार यांनी घरगुती वादातून गुरूवारी रात्री पत्नी सोनाली पवार यांच्यावर 2 गोळ्या झाडल्या आणि त्यानंतर स्वत: गळफास घेत आत्महत्या केली. सोनाली यांना तत्काळ उपचारासाठी सोलापूर येथे हलविण्यात आले असून त्यांची प्रकृती आता स्थिर आहे.

विजयकुमार भागवत पवार मंगळवेढ्यातील मरवडे गावचे रहिवासी असून मंगळवेढा तालुक्यातील ते पहिले जिल्हाधिकारी होते. त्यांनी नंदुरबारचे जिल्हाधिकारी म्हणून देखील काम पाहिले होते. सध्या ते मंत्रालयात सहसचिव पदावर कार्यरत होते. होळीची सुट्टी असल्याने ते मुंबईहून घरी आले होते. घरी असताना मध्यरात्री उशिरा पत्नीसोबत घरगुती कारणावरून वाद झाला. त्यानंतर मध्यरात्री एक वाजता त्यांनी त्यांच्याकडील रिव्हॉव्हरमधून पत्नीवर 2 गोळ्या झाडल्या आणि त्यानंतर स्वत: गळफास घेऊन आत्महत्या केली. या प्रकाराची माहिती मिळाल्यावर त्यांच्या नातेवाईकांनी त्यांच्या पत्नीला तत्काळ खासगी रूग्णालयात नेले. प्राथमिक उपचार करून नंतर त्यांना सोलापूरच्या खासगी रूग्णालयात दाखल करण्यात आले असून त्यांची प्रकृती सध्या स्तिर आहे.

Continue Reading

क्राईम

पीक विम्याचे 10 हजार देण्यास नकार दिल्याने मुलाने केला वडिलांचा खून

Mahabatmi

Published

on

धारूर – पीक विमा आणि इतर शेतकी अनुदानाचे खात्यावर जमा झालेली दहा हजारांची रक्कम देण्यास नकार दिल्याने चिडलेल्या मुलाने वडिलांच्या डोक्यात लोखंडी पहार मारून त्यांचा खून केला. दोन महिन्यापूर्वी धारूर येथे घडलेल्या या घटनेत बुधवारी मुलावर खुनाचा गुन्हा नोंद करण्यात आला. पाय घसरून पडल्याने वडिलांच्या डोक्याला इजा झाल्याचा बनाव मुलाने केला होता, मात्र पोलिस तपासात याचे बिंग फुटले. पोलिसांनी मुलाला ताब्यात घेतले असून न्यायालयाने तीन दिवसांची कोठडी सुनावली आहे.

आश्रुबा कारभारी मुंडे (७४, अशोक नगर, धारूर ) असे मृत पित्याचे नाव आहे. २१ जानेवारी रोजी डोक्याला मार लागल्याने त्यांना अंबाजोगाई येथील स्वाराती रुग्णालयात दाखल करण्यात आले होते. घरात पायऱ्या चढत असताना पाय घसरून पडून डोक्याला चॅनल गेट लागल्याने वडील जखमी झाल्याचे आश्रुबा यांचा मुलगा बलभीम याने त्यावेळी पोलिसांना सांगितले होते. उपचारादरम्यान दुसऱ्या दिवशी आश्रुबा यांचा मृत्यू झाला. परंतु, मृतदेहावरील खुणा पाहून हा काहीतरी वेगळाच प्रकार असावा, असा संशय पोलिसांना आला.त्यादृष्टीने त्यांनी तपास केला असता आश्रुबा आणि बलभीम यांच्यात अनुदानाच्या रकमेवरून जोरदार वाद सुरू होता. अशी माहिती पोलिसांना मिळाली. त्यानंतर पोलिसांनी सखोल चौकशी केली असता बलभीम यानेच वडिलांचा खून केल्याचे त्यांच्या निदर्शनास आले.

याप्रकरणी सहफौजदार राजाराम जाधव यांच्या फिर्यादीवरून बलभीम याच्या विरोधात धारूर पोलिस ठाण्यात खुनाचा गुन्हा नोंद करण्यात आला आहे. पोलिसांनी बलभीमला अटक केले असून गुरुवारी दुपारी त्याला न्यायालयासमोर हजर करण्यात आले होते. न्यायालयाने त्यास १६ मार्चपर्यंत पोलिस कोठडी सुनावली आहे . पुढील तपास सहा. पोलिस निरीक्षक कुकलारे हे करत आहेत.

Continue Reading

क्राईम

अल्पवयीन मुलीवर जन्मदात्या बापानेच केला अत्याचार

Mahabatmi

Published

on

नांदेड- इयत्ता 8 वीतील 14 वर्षीय अल्पवयीन मुलीवर जन्मदात्या बापानेच अत्याचार केल्याची मानवी नात्याला काळिमा फासणारी धक्कादायक घटना नांदेड जिल्ह्यात घडली. आरोपी विरोधात पोलिसांत गुन्हा दाखल करण्यात आला असून त्याला पोलिसांनी ताब्यात घेतले.

जिल्ह्यातील एका गावातील 14 वर्षीय अल्पवयीन मुलगी 8 वीत शिकते. तिची आई विसरभोळी, वेडसर आहे. 1 मार्च रोजी नराधम बापाने बळाचा वापर करून जिवे मारण्याची धमकी देत मुलीवर अत्याचार केला. दरम्यान, मुलीने 12 मार्च रोजी शाळेच्या मुख्याध्यापिका व वर्गशिक्षिकेस सांगितले. त्यांनी मुलीचे आजोबा (आईचे वडील) व आजी (आईची आई) यांना शाळेत बोलावून मुलीसोबत घडलेल्या प्रकाराबाबत सांगितले. यानंतर पीडित मुलीने आजी-आजोबांसोबत 14 मार्च रोजी पोलिस ठाण्यात फिर्याद दिली.

Continue Reading
Advertisement
Advertisement

Follow us on Facebook

Mahabatmi Calendar

March 2019
M T W T F S S
« Feb    
 123
45678910
11121314151617
18192021222324
25262728293031

महत्वाच्या बातम्या

Copyright © 2017 Mahabatmi Digital Media (Opc) Private Limited.